ការស្រាវជ្រាវថ្មីបានបង្ហាញថា
មនុស្សថ្លង់មើលឃើញច្បាស់ជាងមនុស្សធម្មតា។បណ្តាអ្នកវិទ្យា
សាស្ត្របានស្រាវជ្រាវឃើញថា Retinas
ជាស្រទាប់ភ្នាសនៅខាងក្រោមគ្រាប់ភ្នែក ដែលទទួលដឹងពន្លឺ
និងបញ្ជូនរូបភាពអ្វីមួយទៅឱ្យខួរក្បាលរបស់មនុស្ស
ដែលថ្លង់ពីកំណើត ឬបាត់បង់សោតវិញ្ញាណតាំងពីកំណើត
មានការអភិវឌ្ឍផ្ទុយស្រឡះពីមនុស្សដែលស្តាប់ឮធម្មតា។
ដោយសារតែបែបនេះធ្វើឱ្យមនុស្សថ្លង់មានប្រ
ព័ន្ធ Peripheral Vision
(ជាផ្នែកមួយនៃចក្ខុវិញ្ញាណកើតឡើងនៅចំណុចកណ្តាលនៃការមើលឃើញ
) ធំជាងមនុស្សធម្មតា
និងធ្វើឱ្យពួកគេមើលឃើញអ្វីៗកាន់តែច្បាស់បង្កើននូវការយល់
ដឹងរឿងហេតុ ដែលនៅជុំវិញខ្លួនបានរហ័ស។
បណ្តាអ្នកស្រាវជ្រាវខាងលើ ដែលមកពីសាកលវិទ្យាល័យ University
of Sheffield ប្រទេសអង់គ្លេសបានបញ្ជាក់ថា កោសិកាសរសៃប្រសាទ
Retinas ចែកចាយខុសគ្នារវាងមនុស្សថ្លង់និងមនុស្សធម្មតា។
នៅក្នុងការពិសោធន៍
ក្រុមអ្នកស្រាវជ្រាវបានប្រើប្រាស់ម៉ាស៊ីន Tomography
សម្រាប់វាស់ភ្នែកស្កែនមើលប្រព័ន្ធ Retinas
របស់អ្នកស្ម័គ្រចិត្តពិសោធន៍។សហដឹកនាំការសិក្សាវេជ្ជបណ្ឌិត
ឆាឡុត កូឌីណា បាននិយាយថា «ក្តីសង្ឃឹមរបស់យើង គឺថា
ខណៈដែលយើងបានដឹងថា Retinas
របស់មនុស្សថ្លង់មានលក្ខណៈល្អប្រសើរជាងមនុស្សធម្មតា
នោះពួកយើងនឹងអាចកែលម្អការថែទាំចក្ខុវិញ្ញាណសម្រាប់មនុស្ស
ថ្លង់»៕