11:04 PM
Unknown
ថ្នាំគ្រាប់ Amoxicillin មានលេខ ២៥០មីលីក្រាម និង ៥០០មីលីក្រាមក្នុងមួយគ្រាប់។ វាជាប្រភេទថ្នាំអង់ទីបីយ៉ូទិចដែលស្ថិតក្នុងក្រុម Beta-Lactam។ ចំពោះប្រសិទ្ធភាពអាចសម្លាប់បាក់តេរីដូចជា Gram + និង Gram - ដែលបង្កជំងឺមួយចំនួនដូចជា៖
- ផ្លូវដង្ហើម
- ធ្មេញ និងមាត់
- ប្រព័ន្ធរំលាយអាហារ
- ថ្លើមប្រមាត់
- ផ្លូវបង្ហួនោម និងប្រដាប់បន្តពូជ
- ត្រចៀកច្រមុះនិងបំពង់ក
- ជំងឺរលាកស្រោមខួរក្បាល
ចំនុចដែលហាមមិនអោយប្រើប្រាស់
- ធ្លាប់មានអាឡែហ្ស៊ីជាមួយនឹងថ្នាំប្រភេទ Penicillin
- ជំងឺប៉េស
- ជំងឺឈាមប្រភេទ Mononucleosis
ការប្រុងប្រយ័ត្ន
- រ៉េស៊ីស្តតង់ជាមួយថ្នាំ Cephalosporine
- ចៀសវាងប្រើជាមួយថ្នាំ Allopurinol
- គួរចៀសវាងប្រើលើស្ត្រីមានផ្ទៃពោះ និងកំពុងបំបៅដោះកូន
- អាចមានប្រតិកម្មរំខានតិចតួចដូចជា៖ ឡើងកន្ទាលត្រអាក, ក្អួត, ចង្អោរ, ឬរាគ
កម្រិតនៃការប្រើប្រាស់
ការប្រើប្រាស់ថ្នាំនេះត្រូវតែគោរពទៅតាមវេជ្ជបញ្ជាអោយបាន ត្រឹមត្រូវជានិច្ច ហើយថ្នាំនេះអាចប្រើបានចំពោះមនុស្សធំ និងកុមារអាយុលើសពី ៦ឆ្នាំ។
- មនុស្សពេញវ័យ៖ លេខ ៥០០មីលីក្រាម ១-២គ្រាប់ ចំនួន ២ ទៅ៣ដងក្នុងមួយថ្ងៃ ឬលេខ ២៥០មីលីក្រាម ២ ទៅ៤គ្រាប់ ចំនួន ២ ទៅ៣ដងក្នុងមួយថ្ងៃ។
- កុមារ៖ ២៥ ទៅ៣៥មីលីក្រាមក្នុងមួយគីឡូក្រាមក្នុងមួយថ្ងៃ បែកចែកជា ២ ទៅ៣ដង។ ករណីធ្ងន់ធ្ងរអាចដំឡើងខ្ពស់ជាងនេះបាន៕
កំណត់ចំណាំ៖ អ្នកត្រូវធ្វើការពិគ្រោះ និង សុំវេជ្ជបញ្ជាពីគ្រូពេទ្យអោយបានត្រឹមត្រូវ មុនពេល អ្នកសម្រេចចិត្ត ទិញថ្នាំនេះ យកមកព្យាបាលដោយខ្លួនឯង។
Posted in: 
