Showing posts with label Health. Show all posts

Saturday, April 27, 2013

អត្ថន័យឈ្មោះហៅរបស់អម្បូរផ្តាសាយ

2:34 AM

Unknown

រយៈពេលកន្លងទៅ ផ្តាសាយជ្រូកច្រើនត្រូវបានហៅថា ផ្តាសាយ A/H1N1 ហើយផ្តាសាយបក្សីតែងត្រូវបានហៅថា ផ្តាសាយ A/H5N1 ។ ថ្មីៗនេះលេចចេញបន្ថែមផ្តាសាយថ្មី១ប្រភេទរកឃើញនៅប្រទេសចិន ត្រូវបានហៅថា ផ្តាសាយ A/H7N9 ។ ដូច្នេះអត្ថន័យរបស់សញ្ញានេះយ៉ាងដូចម្តេច ?

ផ្តាសាយជាជំងឺឆ្លងបន្ទាន់នៅ ផ្លូវដង្ហើមបង្កឡើងដោយវីរុសផ្តាសាយ ។ វីរុសផ្តាសាយមាន៣ប្រភេទ គឺA , B និង C ។ វីរុសងាយត្រូវកម្ទេចនៅសីតុណ្ហភាពធម្មតា តែមានថាមពលរស់ត្រាំត្រែង គួរសមនៅសីតុណ្ហភាពទាប ។ ក៏អាស្រ័យដោយមូលហេតុនេះដែលជំងឺផ្តាសាយច្រើនផ្ទុះឡើងនៅរដូវរងា ខ្លាំង រដូវរំហើយ និងពេលធាតុអាកាសប្តូរពីរដូវក្តៅទៅរដូវត្រជាក់ ។

ឈ្មោះរបស់វីរុសផ្តាសាយ១ប្រភេទ ត្រូវបានសរសេរកាត់ដោយអក្សរ "H" និង "N" ។ "H" ជាអក្សរកាត់របស់ Hemagglutininer ហើយ "N" ជាអក្សរកាត់របស់ Neuraminidase នេះជាប្រូតេអ៊ីន ផ្ទៃខាងក្រៅ ជាពិសេស២ប្រភេទក្នុងពពួកវីរុសផ្តាសាយ ។ នៅមនុស្ស មុននេះពពួកវីរុសបានធ្លាប់បង្កជំងឺផ្តាសាយមានសញ្ញាសម្គាល់ ពីH1 ដល់ H3 (ទាំងអស់មាន១៥ប្រភេទវីរុស H) ចំណែកចំពោះវីរុស N នោះមានតែ N1 និង N2 គឺអាចបង្កជំងឺនៅមនុស្ស ។ ប៉ុន្តែបច្ចុប្បន្នពួកអ្នកវិទ្យាសាស្ត្រ បានរកឃើញបន្ថែមវីរុសផ្សេងៗមួយចំនួនក៏មានលទ្ធភាពបង្កជំងឺឲ្យ មនុស្សដូចជាផ្តាសាយ A/H7N9 ។

ដូច្នេះជំងឺផ្តាសាយជ្រូកហៅថា ផ្តាសាយ A/H1N1 មានន័យជាប្រភេទជំងឺផ្តាសាយ type A មានប្រូតេអ៊ីនផ្ទៃខាងក្រៅ ២ប្រភេទ គឺ Hemagglutinine H1 និង Neuraminidase N1 ។ ជំងឺផ្តាសាយបក្សីហៅថាផ្តាសាយ A/H5N1 មានន័យថា ប្រភេទជំងឺផ្តាសាយ type A មានប្រូតេអ៊ីនផ្ទៃខាងក្រៅ ២ប្រភេទគឺ Hemagglutinine H5 និង Neuraminidase N1 ។ ដូចគ្នានេះដែរ ជំងឺផ្តាសាយបក្សី១ប្រភេទ ទើបត្រូវបានរកឃើញនៅប្រទេសចិន ហៅថាផ្តាសាយ A/H7N9 មានន័យជា ប្រភេទជំងឺផ្តាសាយ Type A មានប្រូតេអ៊ីនផ្ទៃខាងក្រៅ២ប្រភេទ គឺ Hemgglutinine H7 និង Neuraminidase N9 ។

ដោយសារលក្ខណៈពិសេសរបស់ប្រភេទវីរុស បង្កជំងឺនីមួយៗ មុននេះពពួកអម្បូរវីរុសផ្តាសាយបក្សីធ្វើទុក្ខបុកម្នេញ តែក្នុងហ្វូងបសុសត្វចិញ្ចឹម តែបច្ចុប្បន្នវាអាចចម្លងមកមនុស្ស បង្កជំងឺធ្ងន់ធ្ងរធ្វើឲ្យបាត់បង់ជីវិត ។ អ្នកកើតជំងឺផ្តាសាយបក្សី A/H5N1 និង A/H7N9 ដោយសារប៉ះពាល់ជាមួយបសុសត្វមានជំងឺ ហើយរហូតមកទល់សព្វថ្ងៃពុំទាន់កំណត់បានវីរុសផ្តាសាយនេះមានលទ្ធភាព ចម្លងជំងឺពីមនុស្សទៅមនុស្ស ។ អ្នកកើតជំងឺផ្តាសាយជ្រូក A/H1N1 ដោយសារប៉ះពាល់ជាមួយសត្វជ្រូកមានជំងឺ ហើយវីរុសនេះមានលទ្ធភាពចម្លងពីមនុស្សទៅមនុស្ស ហេតុនេះល្បឿនរាលដាលលឿន ធ្វើឲ្យមនុស្សជាច្រើនត្រូវកើតជំងឺ និងមានអត្រាបាត់បង់ជីវិតខ្ពស់ ។

ក្នុងរយៈពេលកន្លងទៅ មនុស្សទើបតែយកចិត្តទុកដាក់ដល់ប្រភេទវីរុសផ្តាសាយហៅថា ផ្តាសាយ A/H5N1 និងថ្មីៗនេះគឺផ្តាសាយ A/H7N9 តែជាក់ស្តែងនោះ ក្នុងពពួកជំងឺពីសត្វឆ្លងមកមនុស្សមានច្រើនប្រភេទវីរុសផ្សេងៗ គ្នាស្ថិតក្នុងប្រភេទវីរុសផ្តាសាយ type A ក៏បង្កជំងឺឲ្យមនុស្សដូចជា H3N2 , H1N1...

ដើម្បីបង្ការប្រឆាំងឆ្លងផ្តាសាយ បក្សី A/H5N1 , A/H7N9 ឆ្លងមកមនុស្ស ត្រូវអនុវត្ត ៤វិធានការមូលដ្ឋានគឺ នៅតាមគ្រួសារទាំងឡាយត្រូវរកឃើញឆាប់បាតុភូតបសុសត្វងាប់រង្គាល និងជូនដំណឹងភ្លាមឲ្យរដ្ឋអំណាចតំបន់ដើម្បីទប់ស្កាត់ទាន់ពេលកុំឲ្យ ឆ្លងរាលដាល ។ ដាច់ខាតមិនសម្លាប់ និងទទួលទានសត្វសង្ស័យកើតជំងឺផ្តាសាយ ។

ពេលមាននុស្សគ្រុនក្តៅខ្លាំងមាន ពាក់ព័ន្ធដល់បសុសត្វមានជំងឺត្រូវបញ្ជូនទៅស្ថាប័នសុខាភិបាលភ្លាម ដើម្បីព្យាបាលទាន់ពេល ។ ប្រើ Chloramin B និងសារជាតិកម្ចាត់បាក់តេរីខ្លាំងៗ ដើម្បីសម្លាប់មេរោគ និងបំបាត់ក្លិនទ្រុងសត្វជាប្រចាំនៅក្នុងគ្រួសារ និងតំបន់មានជំងឺផ្តាសាយបក្សី ៕

Read more »

Friday, April 5, 2013

ក្បាច់រួមភេទទាំង៥ដែលអាចជួយអោយអ្នកឆាប់មានផ្ទៃពោះ

8:55 PM

Unknown

ការមានផ្ទៃពោះ អាចជារឿងងាយស្រួលបំផុត សម្រាប់ដៃគូស្នេហាមួយចំនួន តែទោះជាយ៉ាងណាក្តី មានប្តីប្រពន្ធខ្លះ អាចនឹងប្រឈមនឹងបញ្ហាអត់កូនបាន ដោយសារតែមូលហេតុជាច្រើនយ៉ាង រួមមានផងដែរ នូវការចុះខ្សោយ ឬ ដោយសារតែបរិមាណមេជីវិតឈ្មោលមិនគ្រប់គ្រាន់។

នៅក្នុងករណី ខ្លះទៀត ការខំប្រឹងប្រែងរបស់អ្នក និង ដៃគូគឺអាចជួយជម្រុញអោយភាគីខាងស្រីឆាប់មាន ទម្ងន់បាន។នៅពេលដែលអ្នកបានជ្រើសរើស ក្បាច់រួមភេទដែលសាកសមបំផុត នោះវានឹងជួយធ្វើអោយ មេជីវិតឈ្មោល ចេញបានល្អ និង ឆាប់ធ្វើដំណើរទៅកាន់មាត់ស្បូនរបស់ស្ត្រីបានយ៉ាងល្អ។

នេះ គឺជាអ្វី ដែលយើងត្រូវពិចារណាពីអាយុជីវិតរបស់ មេជីវិតញី និង មេជីវិតឈ្មោលរបស់អ្នកទាំងពីរ។ នៅពេលដែល អូវុល ត្រូវបានបញ្ចេញពីអូវែ នោះវានឹងធ្វើដំណើរចុះមកផ្នែកខាងក្រោមនៃបំពង់ដៃស្បូន មកកាន់តួស្បូន។ ជាធម្មតា មេជីវិតញី ដែលត្រូវបានបញ្ចេញនេះ មានអាយុបានត្រឹមតែ ២៤ម៉ោង ប៉ុណ្ណោះ ខណៈពេលដែលមេជីវិតឈ្មោល អាចរស់នៅក្នុងខ្លួនស្ត្រីបានដល់ ៣ ទៅ ៥ថ្ងៃ។ នៅក្នុងដំណាក់កាលនេះ មេជីវិតទាំងពីរ គួរតែអាចនៅជិតគ្នា តាមដែលអាចទៅរួច នោះវានឹងអាចជួបគ្នា និង រលាយចូលគ្នាក្លាយជាស៊ុតបង្កកំណើតមួយបាន ។

ខណៈពេល ដែលមនុស្សជាច្រើន នឹងយល់ស្របចំពោះស្ថានភាពនៃការរួមភេទ គឺមិនមានទំនាក់ទំនង អ្វីនឹងការមានផ្ទៃពោះនោះទេ ការពិតមួយដែលត្រូវបានគេសន្មត់នោះគឺថា ក្បាច់ ឬ ស្ថានភាពនៃការរួមភេទ មួយចំនួន អាចជួយអោយមេជីវិតឈ្មោល ជួបនឹងមេជីវិតបាន ក្នុងរយៈពេលខ្លីបំផុត តាមដែលវាអាចធ្វើបាន ។

វា ជាការពិតណាស់ នៅពេលដែលដៃគូមួយចំនួន ដែលមានបញ្ហា ឬ ប្រឈមនឹងភាពពិបាក នឹងការមានគភ៌។ ដោយការយល់ឃើញដូចនេះ ស្ថានភាពដែលល្អបំផុត ក្នុងការជួយអោយអ្នកឆាប់មានកូននោះគឺ ត្រូវចៀសវាងរាល់ស្ថានភាពណា ដែលបង្អាក់ដល់មេជីវិតឈ្មោល ក្នុងការទៅជួបនឹងមេជីវិតញី ដូចជា ក្បាច់រួមភេទដោយការឈរ, ការអង្គុយ ឬ ក្បាច់ស្ត្រីនៅពីខាងលើជាដើម។ ហើយកត្តាមួយផ្សេងទៀត អ្នកក៏ត្រូវកំណត់ផងដែរនូវ បរិមាណនៃមេជីវិតឈ្មោល ដែលហូរចេញពីទ្វារមាសវិញ ។

ខាងក្រោមនេះ គឺជាក្បាច់រួមភេទដែលអាចជួយអោយអ្នក ឆាប់មានផ្ទៃពោះបាន៖

១. ក្បាច់បុរសនៅពីលើស្ត្រី ឬ ហៅថា The missionary position ។វាត្រូវបានគេជឿជាក់ថា ក្បាច់នេះ អាចជួយអោយភាគីខាងស្រីឆាប់មានកូនបាន បានយ៉ាងល្អបំផុត។ នេះដោយសារតែ ស្ថានភាពនេះ អាចអោយមេជីវិតឈ្មោលជ្រាបចូលទៅបានយ៉ាងជ្រៅ ចូលទៅក្នុងមាត់ស្បូន និង ឆាប់បានជួបមេជីវិតញី ដែលនៅរង់ចាំនៅទីនោះ ។

២. ការលើកត្រគៀករបស់ដៃគូខាងស្រី។ ការតំឡើង ឬ កល់អោយត្រគាករបស់នាង ដោយការប្រើខ្នើយកល់នៅពីក្រោយនាង ក៏អាចជួយអោយមេជីវិតឈ្មោល និង មេជីវិតញីឆាប់ជួបគ្នាបានដែរ។

៣. ក្បាច់ Doggy-style ដែលជាស្ថានភាពមួយ ដែលភាគីខាងប្រុស នៅពីក្រោយ ភាគីស្រី នេះក៏ត្រូវបាន គេជឿជាក់ថា វាឆាប់ជួយអោយអ្នកមានផ្ទៃពោះបានផងដែរ។ នៅក្នុងស្ថានភាពនេះ មេជីវិតឈ្មោល អាចធ្វើដំណើរបានយ៉ាងល្អ និង ជិតចូលទៅដល់មាត់ស្បូន ដូច្នេះហើយទើបវាអាចបង្កើនឱកាសនៃការ មានផ្ទៃពោះបាន យ៉ាងល្អ ។

៤. ក្បាច់ដេកចំហៀង ឬ ហៅថា side-by-side ដែលតម្រូវអោយអ្នកទាំងពីរ គេងរាងចំណិតត្រសក់។ ក្បាច់នេះ អាចធ្វើអោយមេជីវិតឈ្មោល ឆាប់បានទៅជួបនឹងមេជីវិតញីបានយ៉ាងឆាប់បំផុត ។

៥.ជា ចុងក្រោយនោះ គឺអារម្មណ៍នៃការដល់ចំណុចកំពូល ។ ខណៈពេលដែលពេលខ្លះ វាគ្មានអ្វីជាប់ទាក់ ទងនឹង ស្ថានភាពនៃការរួមភេទ វាក៏មាននូវការស្រាវជ្រាវខ្លះបានបង្ហាញថា អារម្មណ៍នៃការដល់ចំណុចកំពូលរបស់ស្ត្រី ក៏អាចជួយនាង អោយឆាប់មានគភ៌បានផងដែរ។ ដោយយោងតាមការសិក្សាអង្កេតមួយចំនួន បានបង្ហាញថា អារម្មណ៍នៃការត្រេកត្រអាលនេះ អាចនឹងជួយរុញច្រានអោយមេជីវិតឈ្មោល ធ្វើដំណើរឡើងទៅកាន់មាត់ស្បូន បានយ៉ាងលឿន ។ ហើយអ្វីដែលអ្នកត្រូវចងចាំចុងក្រោយនោះគឺ ត្រូវធ្វើចិត្តអោយសប្បាយ និង រីករាយចំពោះការព្យាយាមចង់បានកូននេះ ៕

Read more »

មនុស្សក្បាល ទំពែកមានអត្រាជំងឺបេះដូចច្រើនជាងមនុស្សធម្មតា

5:21 AM

Unknown

Newser ៖ តាមការសិក្សាស្រាវជ្រាវមួយរបស់ប្រទេសជប៉ុន បានឲ្យដឹងថា មនុស្សដែលមានក្បាលទំពែក គឺមានអត្រាជំងឺបេះដូង ខ្ពស់ជាងមនុស្សធម្មតា ។ ហើយពួកគាត់តែងតែ ពាក់សក់ឬមួកដើម្បីការពារនោះ។ ចំណែកព័ត៌មាន របស់គេហទំព័រ Bloomberg វិញ បានឲ្យដឹងទៀតថា មនុស្សទំពែកកាន់តែខ្លាំង គឺមានគ្រោះថ្នាក់កាន់តែខ្លាំង ។ បញ្ហានេះ មានអត្រាស្លាប់ ឬគ្រោះថ្នាក់ដល់អាយុជីវិត ច្រើនជាងជំងឺ ជំងឺដែលបណ្ដាលមកពី ការជក់បារី, ជំងឺលើឈាម, ជំងឺធាត់ពេក, ជំងឺខ្លាញ់ក្នុងប្រមាត់ ដោយយោងតាម ឯកសារស្រាវជ្រាវ របស់មហាវិទ្យាល័យមួយរបស់ Tokyo។
សូមបញ្ជាក់ផងដែរថា តាមរបាយការណ៍លម្អិត បានឲ្យដឹងទៀតថា ក្នុងចំណោមមនុស្ស ដែលមានជំងឺបេះដូង ១០០នាក់ គឺមានចំនួន ៣០នាក់ ជាមនុស្សក្បាលទំពែក (Bald men) ដោយស្មើនឹង ៣០% នៃអត្រាជំងឺបេះដូង៕

Study: Balding Men at Higher Risk for Heart Disease

PROBLEM: 30 to 40 percent of adult men have male pattern baldness. Some research has suggested that there's an association between hair loss and heart disease, but not enough to consider it as a possible early warning sign.

METHODOLOGY: After evaluating the merits of the existing literature -- over 850 studies published since 1950 -- Japanese researchers narrowed the field to six sufficiently rigorous studies that together account for almost 40,000 men. Three were cohort studies, following the health of balding men over time; the other three, case-control studies, compared bald men to peers with full heads of hair. All controlled for complicating factors like age and smoking.
RESULTS: Across the board, increased balding was strongly linked to increased risk of CHD.
Mostly-bald men in the cohort studies were 32 percent more likely to develop CHD over the follow-up period than those who weren't balding. Under the age of 55-60 (the studies grouped them differently), the association remained and was even intensified: CHD risk for the "extensively balding" was upped to 44 percent.
In the cohort studies, bald and balding men were as high as 70 percent more likely to have heart disease than non-balding peers. In the younger age groups, their risk was increased by 84 percent.
Risk was concentrated on the top of the head. Two studies, taken together, showed that as this area became mildly, moderately, and extensively more sparse, the odds of a participant developing heart disease escalated from 18, to 36, to 48 percent, respectively.
Receding hairlines, in the above case, were not significantly correlated with CHD. And overall, front-of-head baldness was associated with increased heart disease to a much lesser degree than other balding patterns.
IMPLICATIONS: The leading theory, which the authors say their analysis supports, is that hair loss from the top of the head is one of the more visible symptoms of hardened arteries; a condition caused by unhealthy behaviors that in turn causes heart disease. Insulin resistance, chronic inflammation, and increased sensitivity to testosterone are also linked to both conditions.
Does this mean that hair loss can be added to the list of early warning signs of heart disease -- just like high cholesterol, family history, smoking, and obesity, to name a few -- that doctors should look out for in their patients? Well, these researchers seem to think this could be a good idea -- once further study elucidates the risk and clarifies screening guidelines. After all, male baldness is extremely common; as the authors admit, medicating everyone who's thinning out on top would likely create more problems than it would solve.

"Male pattern baldness and its association with coronary heart disease: a meta-analysis," is published in BMJ Open.

Read more »

Saturday, January 26, 2013

ហេតុអ្វីប្រុសមួយចំនួនមានពងកោប (ពងទោក ធំម្ខាង តូចម្ខាង)?

5:14 AM

Unknown

ពងកោប (testicles) គឺសំដៅទៅលើបុរសឬក្មេងប្រុសណាដែលមានពងស្វាសម្ខាងធំ និងម្ខាងធម្មតា។ តាមកាយវិភាគវិទ្យាលើពង ស្វាស គេបានឱ្យដឹងថា ពងស្វាសមានស្រោមពីរជាន់គឺស្រោមទីមួយស្ថិតនៅស្រោបជុំវិញ ជាប់នឹងពងស្វាស និងស្រោមទីពីរនៅគ្របពីក្រៅស្រោមទីមួយ (ស្រោមក្នុង)។
ពងកោប ឬ ពងទោក

ជម្ងឺ ពងកោប(testicles) បណ្ដាលមកពីវត្ដមានវត្ថុរាវថ្លានៅចន្លោះស្រោមទីមួយ( ស្រោមក្នុង) និងស្រោម ទីពីរ(ស្រោមក្រៅ)។ វត្ថុរាវនោះមិនអាចកំណត់បរិមាណតិច ឬច្រើនទេតែវានឹងអាចធ្វើឱ្យប្លោកពងស្វាសរបស់អ្នកជម្ងឺមាន ទំហំតូច ឬធំទៅតាមបរិមាណវត្ថុរាវនោះដែរ។ ជម្ងឺពងកោប(testicles) អាចកើតលើមនុស្សគ្រប់វ័យប៉ុន្ដែកូនក្មេងមានអត្រាកើតជម្ងឺ នេះខ្ពស់ជាងមនុស្សពេញវ័យ។
ចំពោះមនុស្សចាស់ ពងស្វាសម្ខាងរីកធំម្ដងបន្ដិចៗជាលំដាប់ គ្មានការឈឺចាប់អ្វីទាំងអស់។ ប៉ុន្ដែនៅពេលមានទំហំធំ ធ្វើឱ្យអ្នកជម្ងឺលំបាកក្នុងការធ្វើដំណើរ និងឈឺចាប់បន្ដិចបន្ដួច។ ចំណែកពងកោប(testicles) កើតលើកូនក្មេងគេឃើញថា ប្លោកម្ខាងមានសភាពធំជាងម្ខាងទៀត តាំងពីកំណើត ឬក្រោយពេលកើតបានពី១ឆ្នាំទៅ៣ឆ្នាំ។ ពងនេះកាន់តែរីកធំពេលក្មេងស្រែកយំ ប្រឹងស្រែកប្រឹងធ្វើអ្វីមួយ ជួនកាលពងកោប(testicles) ឡើងធំរលោងបាត់ភាពជ្រួញមានពណ៌ខៀវថ្លាហើយក៏អាចស្រក តូចបន្ដិចទៅវិញពេលឈប់យំឬស្រែក។ ប្រ
សិនបើច្របាច់ពងកោប(testicles) នោះថ្នមៗបន្ដិចម្ដងៗវត្ថុរាវនោះនឹងអាចហូរចូលទៅ ក្នុងពោះវិញបានច្រើនឬតិចតាមទំហំនៃរន្ធដែលហូរចុះ។ តាមការសង្កេតពងកោប(testicles) កាន់តែរីកធំពេលថ្ងៃនិងស្រកតូចទៅវិញបន្ដិចនៅពេលព្រឹក។ ម្យ៉ាងទៀតបើយើងយកពិលមកបញ្ចាំង ពីក្រោមពងកោប(testicles) នឹងឃើញស្រមោលពីរ គឺស្រមោលថ្លាជាវត្ថុរាវនោះ និងស្រមោលខ្មៅរាងមូលទ្រវែងក្នុងស្រមោលថ្លានោះវាគឺជាពង ស្វាស។ លើសពីនេះទៅទៀតគេក៏អាចធ្វើរោគវិនិច្ឆ័យជម្ងឺពងកោប(testicles) ដោយការពិនិត្យតាមរយៈការធ្វើអេកូសាស្ដ្រផងដែរ។
ជម្ងឺពងកោប(testicles) នេះមានតែផ្នែកវេជ្ជសាស្ដ្រទេ ដែលអាចព្យាបាលបាន និងមានប្រសិទ្ធភាព ហើយអាចរក្សាសមត្ថភាពបន្ដពូជ តាមដំណើរធម្មជាតិរបស់ពងស្វាសឱ្យនៅល្អប្រសើរបាន ដូចជាតាមរយៈការវះកាត់ជាដើម។ កន្លងមកក៏មានប្រជាពលរដ្ឋយើងព្យាបាលតាមបែបបុរាណដោយការ អុជ លាបទឹកមាត់អុរ ខាំញិញ លញ់ពងស្វាសជាដើម។
វិធីទាំងនេះមិនត្រឹមត្រូវហើយពុំមានប្រសិទ្ធភាពទេតែថែម ទាំងអាច បង្កគ្រោះថ្នាក់ដល់អ្នកជម្ងឺពិសេសលើការបន្ដពូជ៕

Read more »

Thursday, January 24, 2013

គោលការណ៍៩យ៉ាង ដើម្បីទប់ទល់ស្បែកស្ងួត

1:55 AM

Unknown

អ្នកគួរលាបក្រែមបំប៉នស្បែក នៅពេលដែលស្បែកនៅសើម ដើម្បីអាចឲ្យវាស្រូបយកជាតិបំប៉នបានច្រើន។ នៅពេលស្បែករបស់អ្នក វាស្ងួត វាតែងបង្ហាញស្នាម ឬស្រទាប់ស្បែកស្ងួត ជាពិសេសនៅត្រង់បាតដៃ កែងជើង ភ្នែកគោជាដើម។

១-មិនត្រូវ ងូតទឹកក្តៅដោយក្បាលផ្កាឈូក ក្នុងរយៈ ពេលយូរពេកនោះទេ ពីព្រោះទឹកក្តៅនិងធ្វើឲ្យជាតិប្រេង នៅលើស្បែកបាត់បង់ ហើយប្រសិនបើអ្នកងូតទឹកបែបនេះយូរ ស្បែករបស់អ្នកនឹងស្ងួត។ អ្នកអាចងូតទឹកក្តៅ ពី ៥ នាទី ទៅ១០នាទី ក្នុងមួយថ្ងៃជាការប្រសើរ។

២-ប្រើប្រាស់ហ្វូម ឬក្រែមងូតទឹកដែលមានជាតិបំប៉នសំណើម ជំនួសផលិតផលដែលមានជាតិជម្រះខ្ពស់។

៣-អ្នកគួរលាបក្រែមបំប៉ន នៅពេលស្បែកនៅសើម។ ក្រោយពីងូតទឹក អ្នកគួរលាបក្រែមលើស្បែក ឬប្រើកន្សែងសើម ផ្តិតលើស្បែក មុនពេលលាបក្រែម។ នៅពេលលាប អ្នកគួរម៉ាស្សាឲ្យបានពី ៣ទៅ ៥នាទី ដើម្បីឲ្យវាជ្រាបចូលទៅក្នុងស្បែក។

៤-ចូរស្វែងរកប្រភេទ ក្រែមដែលសមស្របជាមួយស្បែកស្ងួត។ ចូរអានឲ្យបានច្បាស់ហើយត្រូវចាំថា ផលិតផលសម្រាប់ស្បែកស្ងួត និងមានសមាសធាតុខាងក្រោម៖

-សេរ៉ាមីដ (Ceramides) ជួយឲ្យស្បែករក្សាជាតិទឹក និងធ្វើឲ្យស្បែកទន់។ សេរ៉ាមីដ អាចជួយការពារស្រទាប់ខាងក្រៅ និងរក្សាជាតិសំណើមដល់ស្បែក។
-ហ៊ីយ៉ាលូរ៉ូនិកអាស៊ីដ (Hyaluronic Acide) មានប្រសិទ្ធភាពដូច សេរ៉ាមីដ ដែរ។
-ឡាណូលីន (Lanolin) ប្រេងរ៉ែ និងប្រេងរំអិល ជាសារជាតិដែលជួយឲ្យស្បែករកស្សាជាតិទឹកនៅពេលងូតទឹក។

៥-លាបក្រែមការពារកម្តៅថ្ងៃ ត្រង់កន្លែងដែលអាចប៉ះកម្តៅព្រះអាទិត្យនៅពេលអ្នកទៅក្រៅ។ ក្រែម SPF ១៥ សមស្របជាមួយស្បែកស្ងួត។

៦-គួរប្រើប្រាស់ម៉ាស៊ីន បាញ់ចំហាយទឹក បង្កើតបានជាសន្សើមនៅក្នុងផ្ទះ ជាពិសេសនៅពេលដែលអ្នកប្រើប្រាស់ម៉ាស៊ីនត្រជាក់ ឬនៅក្នុងរដូវរងា ដែលបរិយាកាសក្នុងផ្ទះស្ងួត។

៧-ប្រើប្រាស់សម្លៀកបំពាក់ ដែលធ្វើឡើងពីក្រណាត់សំឡីកប្បាស ឬធ្វើពីសរសៃធម្មជាតិដទៃទៀត។ គួរចៀសវាងក្រណាត់ធ្វើពីសរសៃនានា ដែលធ្វើឡើងពីជាតិគីមី ឬសម្លៀកបំពាក់ដែលស្អុះស្អាប់។

៨-ផឹកទឹកឲ្យបានច្រើន។

៩-ទទួលទានអាហារដែលមានជាតិ អូមេហ្គា-៣ ដូចជាប្រភេទត្រីទឹកត្រជាក់ (ត្រីសូម៉ុង ត្រីអណ្តាតឆ្កែ និងត្រីសា ឌីន) ផ្លែវ៉លណាត់ ព្រោះថា អាស៊ីដខ្លាញ់ចាំបាច់ នឹងជួយដល់ការរក្សាជាតិប្រេងធម្មជាតិនៅលើស្បែក៕

Read more »

មុខស្រស់ថ្លា ក្មេងជាងវ័យ តាមវិធីជនជាតិជប៉ុន

1:52 AM

Unknown

ស្បែកចែងចាំង និងមានសភាពហាប់ណែនល្អបែបជនជាតិជប៉ុន មើលទៅស្រស់ស្អាត និងក្មេងជាងវ័យ។ ជនជាតិជប៉ុន មានវិធីថែរក្សាសម្រស់បែបពិសេសរបស់ខ្លួន និងមានប្រសិទ្ធភាពគួរកត់សម្គាល់។ បើអ្នកចង់យកគំរូនៃការថែរក្សាសម្រស់មួយនេះ អាចអនុវត្តបាន ដូចមានខាងក្រោមនេះ៖

*បរិភោគល្មមមួយឆ្អែតៈ
ប្រជាជន ជប៉ុន បានប្រកាន់ខ្ជាប់នូវការថែរក្សាសុខភាពតាមអ្នកប្រាជ្ញជនជាតិជប៉ុន ម្នាក់ឈ្មោះ ខៃបារ៉ាក់អ៊ែកខេង តាំងពីយូរយារមកហើយ គឺបានណែនាំជនជាតិរបស់ខ្លួន ឲ្យបរិភោគឆ្អែតសមល្មម ឬឆ្អែតត្រឹមតែ ៨០ ភាគរយប៉ុណ្ណោះ។ អ្នកប្រាជ្ញរូបនេះ បានឲ្យបរិភោគអាហារដែលមានជាតិខ្លាញ់ទាប មានដូចជា តៅហ៊ូ ត្រី បាយ បន្លែ និងផ្លែឈើ។ ក្រៅពីនេះ ត្រូវប្រើវិធីចម្អិន ដោយជួយការពារសុខភាពផង ដូចជា ចំហុយ អាំង ស្ងោរ ឆា ជាដើម ព្រោះការចម្អិនតាមវិធីនេះ អាចជួយគ្រប់គ្រងទម្ងន់បានល្អ ដោយមិនបង្កឲ្យធាត់ ដែលធ្វើឲ្យសុខភាពទ្រុឌទ្រោម និងចាស់មុនវ័យ។

*ផឹក តែបៃតងៈ
សារជាតិហ្វាវូណយ (Flavonoid) សារជាតិ ប៉ូលីហ្វេណុល (Polyphenol) និងកាតេឈីន (Catechin) ក្នុងតែបៃតង ជួយប្រឆាំងរ៉ាឌីកាល់សេរី ក្នុងរាងកាយ ដែលជាអ្នកបំផ្លាញកោសិកាស្បែក រហូតបង្កឲ្យកើតស្នាមជ្រីវជ្រួញលើផ្ទៃមុខ។

*ដើរជំនួសជិះរថយន្តៈ
ដូចជាទៅធ្វើការ ទៅប្រកបការងាររកស៊ីជួញដូរ ដែលមានទីកន្លែងនៅមិនឆ្ងាយ ស្ត្រីជប៉ុនតែងតែជ្រើសរើស ការដើរហាត់ប្រាណជំនួសការជិះរថយន្ត ដើម្បីជួយឲ្យមានអារម្មណ៍ស្រស់ស្រាយ និងជួយជំរុញឲ្យឈាមរត់ទៅចិញ្ចឹមរាងកាយ ជាពិសេសឈាមទៅចិញ្ចឹមស្បែកមុខបានយ៉ាងល្អ។

*បង្កើតបរិយាកាសល្អៗ
ក្រោយចេញពីធ្វើការងារ ស្ត្រីជប៉ុនតែងជួបជុំមិត្តភ័ក្រ ដើម្បីបង្កើតបរិយាកាសសប្បាយរីករាយ។ ការធ្វើបែបនេះ នឹងជួយបំបាត់អាការតានតឹងផ្លូវអារម្មណ៍ ដែលធ្វើឲ្យសុខភាពល្អប្រសើរ ចៀសវាងពីជំងឺទាំងពួង៕

Read more »

គន្លឹះក្នុងការធ្វើឲ្យស្បែកស្អាតភ្លឺថ្លា

1:50 AM

Unknown

សុភាពនារីទាំងឡាយ តែងប្រាថ្នាចង់បានសម្រស់ស្រស់ស្អាត។ បើចង់ស្អាតហើយមានសុខភាពល្អថែមទៀតនោះ សុភាពនារីទាំងឡាយ ត្រូវចាប់ផ្តើមពីក្នុងរាងកាយមកមុន ដោយការបរិភោគអាហារដែលមានប្រយោជន៍ចំពោះសុខភាព ដូចខាងក្រោមនេះ ៖

១- ផ្លែកៅគី: កៅគី (Goji Berry) ត្រូវបានដឹងថា សម្បូរសារធាតុអាហារយ៉ាងច្រើន ដូចជាអាស៊ីដខ្លាញ់ចាំបាច់ សារធាតុប្រឆាំងរ៉ាឌីកាល់សេរី សារធាតុរ៉ែ វីតាមីន B និងអាស៊ីដអាមីណូ។ សារ ធាតុអាហារទាំងនេះ មិនត្រឹមជួយទ្រទ្រង់ស្បែកប៉ុណ្ណោះទេ ថែមទាំងជួយការពារទប់ស្កាត់ជំងឺមហារីក ជំងឺបេះដួងនិងជំងឺផ្សេងៗទៀតផង។

២-ផ្លែប៊័រ និងផ្លែអូលីវ: ផ្លែឈើដែលមានអាស៊ីដខ្លាញ់មិនឆ្អែត ម៉ូលេគុលទោល ជួយឲ្យស្បែកស្អាត តឹង មើលទៅឃើញក្មេងជាងវ័យ គឺផ្លែប៊័រ (Avocado), ផ្លែអូលីវ (Olive) និងផ្លែបាក់វីត (Buck wheat) មានហ្វ្លាវ៉ូណយដ៍ ឈ្មោះថា រ៉ូទីន (Rutin) ជួយឲ្យស្បែកមានភាពយឺតយារបានល្អ។

៣- ជ្រក់គីមឈី(Gimchi) និងយ៉ាអួ(Yogurt) អាហារទាំងនេះ មានកាកសរសៃច្រើន ជួយឲ្យការបញ្ចេញចោល មានភាពល្អប្រសើរ ក៏ធ្វើឲ្យការស្រូបនូវសារធាតុអាហារ និងបញ្ចេញចោលកាកសំណល់ ព្រមទាំងជាតិពុលពីរាងកាយបានកាន់តែប្រសើរផងដែរ។ ប៉ុន្តែជាតិកាកសរសៃទាំងនោះ នឹងបាត់បង់ ប្រសិនបើវាត្រូវកម្តៅខ្លាំង ឬនៅក្នុងកំប៉ុងយូរ។

៤-សារាយ: នៅក្នុងសារាយ មានទាំងជាតិអ៊ីយ៉ូដ និងអាស៊ីដអាមីណូ ដែលសំខាន់និងចាំបាច់បំផុតសម្រាប់ជួយទ្រទ្រង់សរសៃសក់ ឲ្យស្រស់ស្អាត។

៥-ត្រសក់: ត្រសក់ក៏សម្បូរដោយសារធាតុសំខាន់ផងដែរ ដូចជា សារធាតុរ៉ែ ស៊ីលីកា ជួយឲ្យសរសៃសក់ និងក្រចក មានសុខភាពរឹងមាំ។

៦- ខ្ញី: មានប្រយោជន៍សំខាន់ណាស់សម្រាប់អ្នកដែលទទួលទានដំណេកមិនគ្រប់គ្រាន់ ព្រោះខ្ញីមានគុណសម្បត្តិជួយកាត់បន្ថយអាការៈរលាក និងហើមក្រោមភ្នែក ដែលបណ្តាលមកពីគេងមិនគ្រប់គ្រាន់។

៧-គ្រែង និងគ្រំចំពុះទា: ធាតុស័ង្កសីនៅក្នុងគ្រែង(ងាវ) និងគ្រំសមុទ្រ មានសារប្រយោជន៍យ៉ាងខ្លាំងដល់ការជួសជុល និងការផលិតស្បែកថ្មីៗឡើងមក។

៨-ខាត់ណា ខ្ទឹមក្រហម-ស : សម្បូរសារធាតុស្ពាន់ធ័រ ជួយបង្កើនសម្រស់ដោយជំរុញខូលឡាចេន (Collagen) និងធ្វើឲ្យស្បែកមានភាពស្រស់ស្អាត ព្រមទាំងជួយលាងសម្អាតជាតិពុលនៅក្នុងថ្លើមនិងស្បែក។ ក្រៅពីនេះក៏មានសារធាតុប្រឆាំងរ៉ាឌីកាល់សេរី ពពួកហ្វ្លាវ៉ូណយដ៍ ឈ្មោះថា គ្វឺរសេទីន (Quercetin) ដែលជួយកាត់បន្ថយនូវការខូតខាតដោយសាររ៉ាឌីកាល់សេរីផងដែរ។

៩- ការ៉ុត និងបន្លែពណ៌បៃតង: កាលបរិភោគអាហារដែលមាន បេតា-ខារ៉ូទីនច្រើន ជួយឲ្យពណ៌សម្បុរស្បែកស្រស់ថ្លា ដូចធម្មជាតិ។ បេតា-ខារ៉ូទីន មាននៅក្នុងមើមការ៉ុត និងបន្លែពណ៌បៃតង៕

Read more »

មនុស្សចាស់ដើរយកខ្យល់អាកាស15នាទី4ដងក្នុង1ថ្ងៃមានសុខភាពល្អ

1:43 AM

Unknown

មនុស្សចាស់ដែលចេញដើរជិតៗ៤ដងក្នុងមួយ សប្តាហ៍អាចកាត់បន្ថយអត្រាប្រឈមនឹងការស្លាប់មុនអាយុបានដល់ ៤០ភាគរយដ្បិត ខ្យល់អាកាសបរិសុទ្ធ និងការហាត់ប្រាណអាចជួយជំរុញកម្លាំងប្រព័ន្ធការពាររាងកាយ ជួយពង្រឹងភាពរឹងមាំដល់ឆ្អឹង ព្រមទាំងកាត់បន្ថយការធាត់លើសទម្ងន់ ។ ការដើរទៀងទាត់មានន័យន័យថា អាចធ្វើឱ្យសុខភាពរាងកាយល្អប្រសើរ កម្លាំងមាំមួន និងបន្ថយហានិភ័យដោយរបួសនានាដែលកើតពីការដួល ។
បណ្តាអ្នកស្រាវជ្រាវអុីតាលីបាននិយាយថា ដើម្បីទទួលបានអត្ថប្រយោជន៍ដូចខាងលើនេះ គេចាំបាច់ត្រូវប្រើរយៈពេល១៥នាទីក្នុងការដើរមួយលើកៗ ។ ការសិក្សានេះត្រូវបានពិសោធលើអ្នកស្ម័គ្រចិត្តវ័យ៨០ឆ្នាំប្រ មាណ២០០នាក់ដោយប្រើរយៈពេល១០ឆ្នាំ ។ ក្នុងរយៈពេលនោះ ២ក្នុងចំណោម៣នាក់នៃអ្នកស្ម័គ្រចិត្តបានស្លាប់បាត់បង់ជីវិតនាំ ឱ្យអ្នកស្រាវជ្រាវបានពិនិត្យមើលភាពខុសប្លែកគ្នារវាងអ្នក ស្លាប់ និងអ្នកនៅរស់ ។ ជាលទ្ធផល ពួកគេបានរាយការណ៍ថា អ្នកនៅរស់គឺជាក្រុមដែលបានដើរយកខ្យល់អាកាស១៥នាទី៤ដងក្នុង មួយសប្តាហ៍ ខណៈអ្នកស្លាប់គឺជាក្រុមដែលមិនយម់ដើរយកខ្យល់អាកាស់បរិសុទ្ធ ឬហាត់ប្រាណតិចតួច ។
ដើរគឺជាទម្រង់នៃការហាត់ប្រាណដ៏ងាយស្រួលមួយ សម្រាប់មនុស្សចាស់ ហើយវាមានប្រសិទ្ធភាពក្នុងការទប់ស្កាត់ជំងឺបេះដូង ជំងឺដាច់សរសៃឈាមក្នុងខួរក្បាល និងទំនងជាជួយទប់ស្កាត់បុព្វហេតុនៃការស្លាប់ផ្សេងៗទៀតរបស់ មនុស្សចាស់ផងដែរ ៕

Read more »

I share it for you

Saturday, April 27, 2013

អត្ថន័យឈ្មោះហៅរបស់អម្បូរផ្តាសាយ

Friday, April 5, 2013

ក្បាច់រួមភេទទាំង៥ដែលអាចជួយអោយអ្នកឆាប់មានផ្ទៃពោះ

មនុស្សក្បាល ទំពែកមានអត្រាជំងឺបេះដូចច្រើនជាងមនុស្សធម្មតា

Study: Balding Men at Higher Risk for Heart Disease

PROBLEM: 30 to 40 percent of adult men have male pattern baldness. Some research has suggested that there's an association between hair loss and heart disease, but not enough to consider it as a possible early warning sign.

Saturday, January 26, 2013

ហេតុអ្វីប្រុសមួយចំនួនមានពងកោប (ពងទោក ធំម្ខាង តូចម្ខាង)?

Thursday, January 24, 2013

គោលការណ៍៩យ៉ាង ដើម្បីទប់ទល់ស្បែកស្ងួត

មុខស្រស់ថ្លា ក្មេងជាងវ័យ តាមវិធីជនជាតិជប៉ុន

គន្លឹះក្នុងការធ្វើឲ្យស្បែកស្អាតភ្លឺថ្លា

មនុស្សចាស់ដើរយកខ្យល់អាកាស15នាទី4ដងក្នុង1ថ្ងៃមានសុខភាពល្អ

Facebook like

Categories

Popular Posts

Blog Archive

Labels

Social Icons