ការរួមភេទពេលមានផ្ទៃពោះ​​​អាចធ្វើបានធម្មតា

តាមការឲ្យដឹងពីវេជ្ជបណ្ឌិត រហូតមកដល់សព្វថ្ងៃ ការរួមភេទពេលតាំងគភ៌(ពេលមានផ្ទៃពោះ)នៅតែជារឿងចម្រូងចម្រាស់ ជាពិសេសទំនាក់ទំនងផ្លូវភេទក្នុងរឿងប្ដីប្រពន្ធ។ ការរួមភេទអាចធ្វើបានធម្មតា តែទៅតាមល័ក្ខខ័ណ្ឌត្រឹមត្រូវ។
តាមការអង្កេតបានបង្ហាញ ថាមានស្ដ្រីប្រមាណជា៥០ភាគរយ ដែលគ្រែងរអាលថាការរួមភេទបង្កគ្រោះថ្នាក់ដល់គភ៌ ឬផ្ទៃពោះ។ ថ្មីៗនេះ ការសិក្សាមួយនៅកាណាដា បានបង្ហាញថាប្ដីប្រពន្ធជាច្រើនគូមានបញ្ហានៅពេលរួមភេទ ក្នុងកំឡុងពេលមានផ្ទៃពោះ។
អាយុរបស់គភ៌មិនមានទំនាក់ទំនងទៅនឹងចំនួនដងនៃការរួមភេទនោះឡើយ។ មានន័យថាការរួមភេទមិនកាត់បន្ថយអាយុនៃគភ៌ ឬធ្វើឱ្យកើតកូនមិនគ្រប់ខែនោះឡើយ។ ហើយក៏មានការទាក់ទងគ្នារវាងសកម្មភាពផ្លូវភេទ និងគ្រោះបង្កការកើតកូនមិនគ្រប់ខែនោះដែរ។
សរុបសេចក្ដីមកអាចនិយាយបានថាកាលណាគភ៌វិវឌ្ឍន៍ទៅធម្មតា សកម្មភាពផ្លូវភេទ ឬការរួមភេទក៏អាចប្រព្រឹត្ដិទៅជាធម្មតាដែរ។ បើមានបញ្ហាអ្វីកើតមានឡើង សូមសាកសួរយោបល់អ្នកជំនាញ៕

Posted in: Health, Sex and Lifestyle