ទឹកក្រូចឆ្មារជាឱសថជួយទប់ទល់នឹងជំងឺក្អក

ទឹកក្រូចឆ្មារជាប្រភេទភេសជ្ជៈ សាមញ្ញ ដែលងាយស្រួលធ្វើ ដែលមានការចំណាយទាប ហើយក៏ត្រូវបានគេពេញ និយមគួរសម វាមានគុណប្រយោជន៍ក្នុងការ បំបាត់ការស្រេកទឹកបាន។ មិនតែប៉ុណ្ណោះភេសជ្ជៈនេះក៏មានប្រសិទ្ធភាពក្នុងការកែអាការក្អកដែល បណ្តាលពីជំងឺផ្តាសាយ តឹងច្រមុះ ហៀរសំបោរនិងស្អក-ក បានដែរ ។
ទឹកក្រូចឆ្មារទាំងសំបកលឿងនិងសំបកខៀវសុទ្ធតែសម្បូរទៅដោយវីតាមីន C និង B1 ព្រមទាំងមានសារធាតុរ៉ែជាច្រើនទៀតដែលអាចចាត់ទុកជាឱសថរុក្ខជាតិ បំបាត់អាការក្អកយ៉ាងពូកែមួយបាន។
ជាងនេះទៀត វាក៏មានផ្ទុកសារធាតុ ស៊ីណេព្រីន ដែលមានគុណតម្លៃក្នុងការបន្ថយអាការតឹងច្រមុះ បានទៀតផង។ សម្រាប់ការទទួលទានទឹកក្រូចឆ្មារកែអាការក្អក ស្អក-ក មិនគួរក្លាស្សេវាឲ្យត្រជាក់ទេ គួរយកទឹកក្រូចឆ្មារក្តៅឧណ្ហៗ ឬជាទឹកក្រូចឆ្មារសីតុណ្ហភាពធម្មតាទើបមានប្រសិទ្ធភាព។ ព្រោះក្នុងករណីនេះវាមិនអាចសម្រាលអាការក្អកបានទេ អ្នកមិនគួរបន្តទទួលទានវាទៀតឡើយ ហើយគួរទៅជួបពិគ្រោះជាមួយគ្រូពេទ្យម្តង៕

Read more »

ក្រូចត្លុងមានសារៈប្រយោជន៍ចំពោះសុខភាព

អ្នកចូលចិត្តបរិភោគក្រូចត្លុង ដោយសារវាល្អសម្រាប់ការរំលាយអាហារផង និងជួយបញ្ចុះទម្ងន់ ដូច្នេះក្រូចត្លុងអាចព្យាបាលជំងឺគ្រុនក្តៅ និងជំងឺផ្តាសាយ ទឹកក្រូចត្លុង ជួយអ្នកជំងឺឱ្យមានសុខភាពល្អឡើងវិញក្រោយជំងឺគ្រុនក្តៅ បន្ថយអារម្មណ៍ក្តៅរោលរាលដោយសារសីតុណ្ហភាពសរីរាង្គឡើងខ្ពស់ និងជាឱសថមានតម្លៃចំពោះជំងឺគ្រុនផ្តាសាយ ។
ក្រូចត្លុងមានប្រយោជន៍បំផុតក្នុងការដោះស្រាយបញ្ហាហើមពោះ ពិបាករំលាយអាហារវាធ្វើឱ្យថយចុះកម្តៅ និងរំញោចសកម្មភាពរបស់ក្រពះ កែប្រែឱ្យប្រសើរចរន្តហូររបស់រំអឹលរំលាយអាហារ ជួយសរីរាង្គរំលាយអាហារល្អជាង ។

សម្រាប់អ្នកជំងឺទឹកនោមផ្អែម គួរបរិភោគក្រូចត្លុងមួយផ្លែក្នុងមួយថ្ងៃ វាអាចរារាំងបរិមាណម្សៅបញ្ចូលទៅក្នុងសរីរាង្គ ហេតុនេះជួយបន្ថយក្តីបារម្ភអំពីជំងឺទឹកនោមផ្អែម។ ផឹកទឹកក្រូចត្លុងស្រស់មួយកែវនៅពេលព្រឹកល្អបំផុតដើម្បីគ្រប់គ្រងអាការៈទល់លាមក ។
ការផឹកទឹកក្រូចត្លុង៥៣០មិល្លីលីត្រក្នុងមួយថ្ងៃ នឹងធ្វើឱ្យសកម្មភាពរបស់ CYPIA2 ដែលជាអង់ហ្ស៊ីមមួយរំញោចសកម្មភាពរបស់សារជាតិគីមី បង្កជំងឺមហារីកក្នុងផ្សែងបារីថយចុះគួរឱ្យកត់សម្គាល់ ។ ក្រៅពីនេះ ក្រូចត្លុង សម្បូរសារជាតិ flavonoid មានឥទ្ធិពលដូចជា សារជាតិប្រឆាំងអុកស៊ីតកម្ម ធម្មជាតិ១ ការពារនិងទប់ស្កាត់សកម្មភាពរបស់ពពួកសារជាតិបង្កមហារីក៕

Read more »

ទទួលទានសាច់ក្រកញឹកញាប់ប្រឈមនឹង​​ជំងឺទឹកនោមផ្អែម

កាលពីពេលថ្មីៗនេះ American Journal of Clinical Nutrition បានរកឃើញថា អ្នកដែលចូលចិត្តទទួលទានហតដក ឬសាច់ក្រកជាញឹកញាប់ អាចប្រឈមនឹងជំងឺទឹកនោមផ្អែមបាន ដោយការទទួលទានសាច់ក្រហម ជាពិសេសសាច់កែច្នៃ ដូចជាសាច់ក្រក ១ថ្ងៃ ៥០ក្រាម អាចបង្កើនឱកាសកើតជំងឺទឹកនោមផ្អែមប្រភេទ២ រហូតដល់ ៥១ភាគរយ។
អ្នកស្រាវជ្រាវមកពីសាលាសុខភាពសាធារណៈ ហារវ៉ាដ (Harvard School of Public Health) បានឲ្យដឹងថា អ្នកអាចបន្ថយ អាការៈប្រឈមនឹងជំងឺទឹកនោមផ្អែមបាន ដោយការទទួលទានប្រូតេអ៊ីន ល្អចំពោះសុខភាព ដូចជាសណ្តែក ធញ្ញជាតិ ឬផលិតផល ដែលធ្វើពីទឹកដោះគោ ដែលមានជាតិខ្លាញ់ទាប៕

Read more »

ផ្លែមង្ឃុតអាចជួយការពារជំងឺបេះដូង និងសម្ពាធឈាម

ពិតណាស់ការពិសាអាហារដែលមានតុល្យភាពល្អ នឹងជួបបង្កើតនូវសុខភាពល្អរបស់ មនុស្សគ្រប់ៗរូប។ ផ្លែឈើគីជាចំណែកមួយនៃតុល្យភាពចំណីអាហារ។ ជាទូទៅការពិសារផ្លែឈើដែលត្រឹមត្រូវរួមមានផ្លែមង្ឃុតនេះគឺអាចធ្វើ ឲ្យសុខភាពនិងគុណភាពនៃជីវិតរបស់លោកអ្នកមានការខុសប្លែកគ្នាគួរឲ្យ កត់សម្គាល់។
ផ្លែមង្ឃុតជាផ្លែឈើដែលដុះលូតលាស់នៅតំបន់អាស៊ីអាគ្នេយ៍។ ដើមមង្ឃុតអាចរស់រានបានល្អនៅក្រោមសីតុណ្ហភាព៤០ អង្សានិងមានភ្លៀងធ្លាក់គ្រប់គ្រាន់ ផ្លែមង្ឃុតអាចជួយការពារជំងឺបេះដូង និង សម្ពាធឈាមឲ្យដំណើរការបានល្អ៕

Read more »

អាហារគួរទទួលទាន និងអាហារដែល​​មិន​​គួរទទួលទាន​​សម្រាប់​​អ្នក​​មាន​ជំងឺ​ពុក​ឆ្អឹង

មនុស្សជាច្រើននៅមានទស្សនៈថា ចង់កុំឱ្យពុកឆ្អឹង គឺត្រូវទទួលទានទឹកដោះគោ។ មិនខុសឡើយ ព្រោះទឹកដោះគោជាអាហារមួយក្នុងចំណោមអាហារ ផ្គត់ផ្គង់កាល់ស្យូម។ ប៉ុន្តែបើគ្រាន់តែផ្អែកទៅលើទឹកដោះគោមួយមុខ គឺពុំទាន់គ្រប់គ្រាន់ឡើយ។
ទោះបីទទួលទានទឹកដោះគោទៀង ទាត់ តែប្រសិនជាតិកំបោរមិនត្រូវបានស្រូបចូលទៅក្នុងឈាម នោះកាល់ស្យូមមិនអាចទៅដល់ជាលិកាឆ្អឹងបាន ឡើយ។
ក្រុមវេជ្ជបណ្ឌិត បានផ្ដល់ដំបូន្មានថា ការព្យាបាលជំងឺពុកឆ្អឹង ធ្វើយ៉ាងណាឱ្យឆ្អឹងបន្ថយពុក ឬនិយាយឱ្យត្រឹមត្រូវជាង គឺបង្អាក់ពុកបន្ត គឺពុំមែនឱ្យឆ្អឹង អស់ពុកឡើយ។
អាហារគួរប្រើសម្រាប់អ្នកមានជំងឺពុកឆ្អឹងមានដូចជា ទឹកដោះគោ ពពួកត្រីសមុទ្រសម្បូរប្រេង Omega-3 ដូចជាត្រីសាល់ម៉ុន, ត្រីប្លាធូ ដំឡូងជ្វា សណ្តែកដី ប្រេងល្ង និងពិសេសគឺផ្លែម្នាស់ ព្រោះវាជាប្រភពអាហារសម្បូរម៉ាញ៉េស្យូម។
អាហារគួរចៀសវាងសម្រាប់អ្នកមានជំងឺពុកឆ្អឹងមានដូចជា ពពួកភេសជ្ជៈមានហ្គាស តែ ស្រា បន្ថយអតិបរមាពពួកអាហារ បច្ចេកវិជ្ជា គ្រឿងកំប៉ុង និងនំប៉័ង៕

Read more »

ស្ត្រីអាចនឹងមិនសូវមាន សញ្ញាមុនមកឈាមរដូវ បើបរិភោគអាហារ សម្បូរវីតាមីនB

ការ​សិក្សា​ថ្មី​បាន​បង្ហាញ​ថា​ ស្ត្រី​អាច​នឹង​មិនសូវ​មាន​រោគ​សញ្ញា​ពេល​មុន​មាន​រដូវ​ (premenstrual​ syndrome)​ ប្រសិនបើ​បាន​ទទួលទាន​គ្រាប់​គ្រាន់​នូវ​អាហារ​ដែល​សម្បូរ​ដោយ​វីតាមីន​ B​ ចំនួន​ពីរ​ប្រភេទ​។​ ស្ត្រី​ដែល​បាន​បរិភោគ​ជាតិ​ thiamine​ (​វីតាមីន​ B1)​ និង​ riboflavin​ (​វីតាមីន​ B2)​ សម​ល្មម​នៅ​ក្នុង​ចំណីអាហារ​ប្រចាំ​ថ្ងៃ​ធ្វើ​អោយ​ពួក​ គេ​អាច​កាត់​បន្ថយ​ ទៅ​នឹង​ ការ​ ប្រឈម​មុខ​នៃ​ រោគ​សញ្ញា​ពេល​មុន​មាន​រដូវ​ (PMS)​ ។​
ជាតិ​ Thiamine​ ត្រូវ​បាន​គេ​រក​ ឃើញ​នៅ​ក្នុង​ គ្រាប់​ធញ្ញជាតិ​,​ គ្រាប់សណ្តែក​ និង​ សណ្តែកដី​ ។​ អ្នក​ស្រាវជ្រាវ​បាន​និយាយ​ថា​ ការ​ទទួលទាន​ចំណីអាហារ​ដែល​សំបូរ​ទៅ​ដោយ​ជាតិ​ Thiamine​ ២​ ទៅ​ ៣​ ដង​ក្នុង​មួយ​ ថ្ងៃ​ ហាក់ដូចជា​អាច​កាត់​បន្ថយ​បញ្ហា​ PMS​ ។​
ចំណែកឯ​ Riboflavin​ មាននៅ​ក្នុង​ ទឹក​ដៅ​គោ​,​ ស៊ុត​,​ សាច់សត្វ​ និង​ ប​ង្លែ​ពណ៌​បៃតង​ ។​ អ្នក​ស្រាវជ្រាវ​បានអោយ​ជា​ដំបូន្មាន​ថា​  “​សូម​ព្យាយាម​បរិភោគ​ចំណីអាហារ​ អោយ​បាន​ គ្រប់មុខ​ និង​ គ្រប់គ្រាន់​ជា​ពិសេស​ គ្រាប់​ធញ្ញជាតិ​,​ ស្ពៃបូកគោ​,​ សាច់​គោ​,​ ទឹកដោះគោ​,​ ទឹក​សណ្តែកសៀង​ ឬ​ ក៏​សាច់សត្វ​ ព្រោះ​វា​មាន​ប្រយោជន៍​យ៉ាង​ សំខាន់​សំរាប់​ សុខភាព​ មនុស្ស​ទូទៅ​,​ ជា​ពិសេស​សំរាប់​ស្ត្រី​ដែល​ចង់​ការពារ​ខ្លួន​ទៅ​នឹង​ PMS”​ ។​
អ្នកដឹកនាំ​ការ​ស្រាវជ្រាវ​នេះ​,​ លោក​វេជ្ជបណ្ឌិត​ Patricia​ O.​ Chocano-Bedoya​ មក​ពីសា​កល​ វិទ្យាល័យ​ Massachusetts,​ បាន​សិក្សា​ និង​ តាមដាន​ទៅ​លើ​ស្ត្រី​ដែល​បាន​ស្ម័គ្រចិត្ត​ចូល​ រួម​ចំនួន​ ៣០០០​ នាក់​នៅ​ក្នុង​សហរដ្ឋអាមេរិក​ ។​ ស្ត្រី​ទាំងអស់​ពុំ​មាន​បញ្ហា​ PMS​ ទេ​នៅ​ពេល​ចាប់ផ្តើម​ការ​សិក្សា​នេះ​,​ ហើយ​ពួក​គេ​ត្រូវ​ឆ្លើយ​ទៅ​នឹង​តារាង​សំនួរ​អំពី​របប​អាហារ​របស់​ពួក​គេ​,​ ចំនួន​ ៣​ លើក​,​ ក្នុង​ចន្លោះ​ឆ្នាំ​ ១៩៩១​ និង​ ១៩៩៩​ ។​
លោក​វេជ្ជបណ្ឌិត​ Patricia​ O.​ Chocano-Bedoya​ បាន​និយាយ​ថា​ ៖​ "​យើង​ព្យាយាម​តាមដាន​ និង​ អង្កេត​ទៅ​លើ​ការ​ប្រឈម​មុខ​តិចតួច​ទៅ​នឹង​ PMS​ ចំពោះ​ស្ត្រី​ដែល​បាន​ទទួលទាន​ជាតិ​ Thiamine​ និង​ Riboflavin​ គ្រប់គ្រាន់​តាម​រយៈ​ចំណីអាហារ​ប្រចាំ​ថ្ងៃ​របស់​ពួក​គេ​តែ​ប៉ុន​នោះ​"​ ។​ ជាក់ស្តែង​ណាស់​,​ ស្ត្រី​ដែល​មាន​ទទួលទាន​ជាតិ​ Riboflavin​ ខ្ពស់​មាន​អត្រា​ប្រឈម​មុខ​ទៅ​ PMS​ តិច​ជាង​អ្នក​ដែល​ទទួលទាន​តិច​ចំនួន​ ៣៥​ ភាគរយ​ ។​
យោង​ទៅ​តាម​ការ​សិក្សា​នេះ​,​ ជាតិ​ Thiamine​ និង​ Riboflavin​ អាច​មាន​ជះ​ឥទ្ធិពល​ ទៅ​លើ​សរសៃប្រសាទ​បញ្ជូន​ព័ត៌មាន​ទៅ​ខួរក្បាល​ដូច​ជា​ serotonin​ និង​ dopamine,​ ដែល​មាន​ទំនាក់ទំនង​ទៅ​នឹង​ PMS​ ។​
ទោះបីជា​យ៉ាងណា​ក៏​ដោយ​,​ ការ​សិក្សា​នេះ​មិន​ទាន់​បាន​បង្ហាញ​បញ្ជាក់​អោយ​កាន់តែ​ច្បាស់​ថា​ ជាតិ​វីតាមីន​ (vitamin)​ ពិតជា​អាច​ការពារ​ស្ត្រី​ទៅ​នឹង​ PMS​ បាន​មែនឬ​យ៉ាងណា​នោះ​ទេ​ ។​ ក្រុម​អ្នក​ស្រាវជ្រាវ​បាន​និយាយ​ថា​ កត្តា​ផ្សេងៗ​ទៀត​ជា​ច្រើន​ក៏​ដើរតួ​យ៉ាង​សំខាន់​ក្នុង​បញ្ហា​នេះ​ផង​ដែរ​ ។​
PMS​ គឺជា​ចង្កោម​នៃ​សញ្ញា​ (symptoms)​ ដែល​អាច​មាន​លក្ខណៈ​ពី​ស្រាល​ទៅ​ធ្ងន់ធ្ងរ​បាន​ ។​ ស្ត្រី​ដែល​មាន​ PMS​ អាច​មានការ​ផ្លាស់​ប្តូរ​ទៅ​លើ​រាង​កាយ​ ឬ​ អារ​ម្ម​ណ៏​ (physical​ or​ emotional​ changes)​ ក្នុង​រយៈពេល​ពីរ​បី​ថ្ងៃមុន​នឹង​ចាប់​មាន​រដូវ​ប្រចាំខែ​ (period)​ ។​ សញ្ញា​ទាំង​អស់នោះ​គឺ​អាច​មាន​ដូច​ជា​ ៖
-​ការ​ហើម​,​ ឈឺ​សុដន់​
-​ចេញ​មុន​ (acne)
-​ឈឺសន្លាក់​ (joint​ pain)
-​មាន​បញ្ហា​ជាមួយនឹង​ការ​ចង់​ចាំ​ ឬ​ ភ្លេច​ច្រើន​ (memory​ problems)
-​ការ​ថប់​អារម្មណ៍​ (anxiety)
-​រោគ​ធ្លាក់​ទឹកចិត្ត​ (depression)​ ។​
ចំពោះ​ស្ត្រី​មួយ​ចំនួន​,​ ការ​ផ្លាស់​ប្តូរ​នេះ​អាច​ធ្វើ​អោយ​ឆាកជីវិត​ ឬ​ សុខភាព​របស់​គាត់​មាន​បញ្ហា​ ច្រើន​កើតឡើង​ ។​
ការ​ទទួលទាន​ថ្នាំ​វីតាមីន​ B​ បន្ថែម​(vitamin-B​ supplements)​ មិន​ជួយ​បង្ការ​ ឬ​ មាន​ឥទ្ធិពល​ចំពោះ​ PMS​ ឡើយ​ ។​ ជាមួយ​គ្នា​នេះ​ផង​ដែរ​,​ ជាតិ​ Niacin,​ វីតាមីន​ B-6,​ ហ្វូ​ឡា​ត​ (Folate)​ និង​ វីតាមីន​ B-12​ នៅ​ក្នុង​ចំណីអាហារ​ផង​ដែរ​ ។​

Read more »

តើ​វីតាមីន​អាច​ជួយ​ការពារ​ជំងឺ​បេះដូង​ឬទេ​?

អ្នក​ស្រាវជ្រាវ​មិន​បាន​ប្រាកដ​ក្នុង​ចិត្ត​ថា​តើ​ ការ​ទទួលទាន​ជាតិ​វីតាមីន​អាច​កាត់​បន្ថយ​ការ​ប្រឈម​មុខ​ទៅ​នឹង​កា​រវិ​វត្ត ​នៃ​ជំងឺ​បេះដូង​ ឬ​ ការ​គាំងបេះដូង​នោះ​ទេ​ ។
វីតាមីន​មួយ​ចំនួន​ ដូច​ជា​ វីតាមីន​ C​ និង​ E,​ អាច​ជួយ​កាត់​បន្ថយ​ការ​ប្រឈម​មុខ​នឹង​ជំងឺ​បេះដូង​ដោយ​ជួយ​ទប់ស្កាត់​កូ​ឡេ ​ស​ស្តេ​រ៉ូ​ល​អាក្រក់​ (LDL)​ មិន​អោយ​បង្កើត​ជា​កំណក​តាម​សរសៃឈាម​(​ plaques​ )​ដែល​អាច​ធ្វើ​អោយ​ត្បៀត​សរសៃឈាម​បេះដូង​របស់​អ្នក​ (heart's​ arteries)​ ។​ អ្នក​ស្រាវជ្រាវ​មួយ​ចំនួន​បាន​សិក្សា​ស្វែង​យល់​ទៅ​លើ​វីតាមីន​ទាំងនេះ​ ហើយ​បាន​បង្ហើប​ប្រាប់​អោយ​ដឹង​ថា​ ការ​ទទួល​ ទាន​វីតាមីន​អាច​ជួយ​កាត់​បន្ថយ​ជំងឺ​បេះដូង​បាន​,​ ប៉ុន្តែ​អ្នក​ស្រាវជ្រាវ​ជា​ច្រើន​ផ្សេង​ទៀត​ក៏​មិន​បាន​បង្ហាញ​ពី​ភាព​ខុស​ គ្នា​នៃ​ការ​ប្រឈម​មុខ​នឹង​ជំងឺ​បេះដូង​រវាង​អ្នក​ដែល​ទទួលទាន​វីតាមីន​ និង​ អ្នក​ដែល​មិន​ទទួលទាន​វីតាមីន​ដែរ​ ។
វីតាមីន​ផ្សេងៗ​ទៀត​ក៏​អាច​ជួយ​ធ្វើ​អោយ​សុខភាព​បេះដូង​បាន​ប្រសើរ​ឡើង​ ដែរ​ ដូច​ជា​ វីតាមីន​ D​ ជាដើម​ ។​ ប៉ុន្តែ​ ក៏​មិន​ទាន់​មាន​អ្វី​ដែល​អាច​អះអាង​ប្រាកដ​នៅឡើយ​ទេ​ ។​ មនុស្ស​ជា​ច្រើន​មិន​បាន​ទទួល​ជាតិ​វីតាមីន​ D​ គ្រប់គ្រាន់​ទេ​,​ ដូច្នេះ​ សូម​ពិគ្រោះ​ជាមួយ​វេជ្ជបណ្ឌិត​របស់​អ្នក​ ប្រសិនបើ​អ្នក​ព្រួយបារម្ភ​អំពី​បញ្ហា​នេះ​ ។
មិន​ថា​ វីតាមីន​ណា​ដែល​អ្នក​ទទួលទាន​នោះ​ទេ​,​ វីតាមីន​ពិតជា​មិន​អាច​ជួយ​ការពារ​អ្នក​ពី​ជំងឺ​បេះដូង​បាន​ទេ​ ប្រ​សិន​ណា​ជា​អ្នក​មិន​បាន​គ្រប់គ្រង​កត្តា​គំរាមកំហែង​មួយ​ចំនួន​ដែល​ បណ្តាល​អោយ​មាន​ជំងឺ​បេះដូង​នោះ​ទេ​,​ ដែល​រួម​មាន​ដូច​ជា​ របប​ចំណីអាហារ​,​ សកម្មភាព​ក្នុង​ការ​បញ្ចេញ​កំលាំង​ពលកម្ម​មិន​បាន​គ្រប់គ្រាន់​,​ ការ​ជក់បារី​,​ កំរិត​កូ​ឡេ​ស​ស្តេ​រ៉ូ​ល​ខ្ពស់​ពេក​ និង​ ជំងឺ​ទឹកនោមផ្អែម​ជាដើម​ ។​
វីតាមីន​អាច​ជា​ជំរើស​មួយ​ដ៏​ល្អ​សំរាប់​មនុស្ស​មួយ​ចំនួន​ ពិសេស​អ្នក​ដែល​ទទួលទាន​សារជាតិ​ចិញ្ចឹម​មិន​បាន​គ្រប់គ្រាន់​ ។​ ទោះបីជា​យ៉ាងណា​ក្តី​,​ អ្នក​ដែល​មាន​សុខភាព​ល្អ​ មិន​ចាំបាច់​ត្រូវការ​ជាតិ​វីតាមីន​រាល់ថ្ងៃ​នោះ​ទេ​ ពីព្រោះ​តែ​ពួក​គេ​អាច​ទទួល​បាន​នូវ​សារជាតិ​ចិញ្ចឹម​ដែល​គេ​ត្រូវការ​តាម​ រយៈ​ចំណីអាហារ​ប្រចាំ​ថ្ងៃ​ហើយ​ ។​ ប៉ុន្តែ​,​ បើសិនជា​អ្នកមាន​កង្វល់​ក្នុង​ចិត្ត​អំពី​សារជាតិ​ចិញ្ចឹម​ និង​ របប​ចំណីអាហារ​របស់​អ្នក​ សូម​សាកសួរ​វេជ្ជបណ្ឌិត​របស់​អ្នក​ ដើម្បី​ដឹង​ថា​តើ​ការ​ទទួល​វីតាមីន​ប្រចាំ​ថ្ងៃ​ ជា​ជំរើស​ល្អ​សំរាប់​រូប​អ្នក​ឬ​ក៏​អត់​ ។

Read more »

វីតាមីន A

សារៈប្រយោជន៍របស់វីតាមីន A

- ល្អចំពោះចក្ខុប្រសាទ

- ការលូតលាស់ល្អ

- ល្អចំពោះការឃ្លាន និង​ការភ្លួករស់ជាតិ

រោគសញ្ញានៃការកង្វះវីតាមីន A

- ងងឹតពេលយប់​ (ខ្វាក់មាន់)

- រលាកភ្នែក

- ការមើលចុះខ្សោយ

- អត់ឃ្លានបាយ និង​មិន​សូវស្វាហាប់

- អោយចន្លោះជើងធ្មេញ

- កើតជំងឺស្បែកដូចជា៖ មុន ,បុសទ្រនិច នឹង ស្នាមជ្រួញមុនអាយុ

-អោយក្មេងលូតលាស់យឺត

កំរិតនៃការប្រើប្រាស់

- បុរស ៦០០mcg

- ស្ត្រី ៦០០mcg

- ក្មេង ៦០០mcg

- ទារក ៣៥០mcg

- ស្ត្រីបំបៅកូន ៩៥០mcg

ប្រភពនៃវីតាមីន A

- ថ្លើម - ការ៉ុត

- បន្លែស្លឹកពណ៍បៃតង - ស៊ុតក្រហម

- ទឹកដោះ - ផ្លែឈើពណ៍លឿង

- ខ្លាញ់ទឹកដោះគោ - ថ្លើមជៀម

- ដើមស្ពៃបៃតង - ឆៃថាវ

- ស្វាយ - ផ្លែអែបព្រិខត

បន្លែ

- ការ៉ុត​ ១២០០០mcg

- វ៉ាន់ស៊ុយបារាំង ៧០០០mcg

- Spinach ៥៦០០mcg

- ដំឡូផ្អែម ៤០០០mcg

- ខាត់ណា ២០០០mcg

ផ្លែឈើ

- ស្វាយ ២៨០០mcg

- Ripe persimmon ២២០០mcg

- Apricot ២២០០mcg

- ក្រូចស្រស់ ១២០០mcg

- Raspberries ១២០០mg

សាច់ បក្សី ទឹកដោះ​ និងខ្លាញ់

- ថ្លើមកូនគោឆ្អឹន ៤០០០០mcg

- សាច់ក្រកថ្លើម ២៥០០mcg

- ខ្លាញ់ទឹកដោះគោ ៨៥០mcg

- ទឹកដោះគោ ៤២០mcg

លើសកំរិតនៃការប្រើប្រាស់

- កូនក្មេងកើតមិនគ្រប់លក្ខណៈ

- ថ្លើមខុសពីធម្មតា

- ពុកឆ្អឹង

រោគសញ្ញានៃការលើសវីតាមីន​ A

- ក្អួតចង្អោ

- ឈឺក្បាល

- ខ្យល់ចាប់

- ព្រិលភ្នែក

វីតាមីន A​ ត្រូវបានបំផ្លាញដោយ

- អាស៊ីត ខ្លាញ់​ (fatty acid)

Read more »