អូរ៉ាល់សិច និងការឆ្លងមេរោគអេដស៍

តាមការឲ្យដឹងពីវេជ្ជបណ្ឌិត ការរួមភេទពិតជាអាចធ្វើឱ្យមានការឆ្លងជម្ងឺកាមរោគ ឬជម្ងឺឆ្លងតាមផ្លូវភេទ ជាពិសេសមេរោគអេដស៍។ ចំពោះការរួមភេទដែលមិនមានការស៊កបញ្ចូលលិង្គទៅក្នុងទ្វារមាស។ ចំពោះការរួមភេទដោយគ្រាន់តែមានការប្រើមាត់នោះ មិនមានការឆ្លងមេរោគអេដស៍ទេ ហើយបើមានក៏មានតិចតួចបំផុត។
ចំពោះជម្ងឺកាមរោគផ្សេងទៀតមិនប្រាកដថាមិនឆ្លងនោះទេ ជាអាទិជម្ងឺរើម ឬរោគផ្សិតជាដើម។ ចង់និយាយថាបើបុរសឬស្ដ្រីមានរោគណាមួយអាចចម្លងគ្នាទៅវិញទៅមក បុរសអាចចម្លងទៅស្ដ្រី ស្ដ្រីក៏អាចចម្លងមកបុរសវិញដែរ។
អ្វីដែលសំខាន់បំផុតនោះគឺប្រភេទតេស្ដឈាមឯណោះវិញទេ សព្វថ្ងៃនេះមានប្រភេទនៃការធ្វើតេស្ដឈាមជាច្រើន។ ការធ្វើ តេស្ដគោល២ប្រភេទ គឺការធ្វើតេស្ដរកអង្គបដិបក្ខប្រាណប្រឆាំងមេរោគអេដស៍(Anti-HIV antibody, EliSA) និងការស្វែងរកមេរោគអេដស៍(HIV PCR)។
តេស្ដឈាមរកអង្គបដិបក្ខប្រាណ អាចរកឃើញនៅក្នុងឈាមចាប់ពីថ្ងៃទី២១ ក្រោយការប៉ះពាល់ការឆ្លង។ នៅរយៈពេល៣ខែតេស្ដអាចមើលឃើញភាគច្រើនលើសលប់ ហើយធានាថាច្បាស់១០០% លើសពីរយៈពេល៦ខែទៅ។
រីឯតេស្ដរកមេរោគអេដស៍ផ្ទាល់តែម្ដង ជាទូទៅអាចចាប់មើលឃើញចាប់ពី១សប្ដាហ៍(៧ថ្ងៃ)ទៅ តេស្ដនេះមិនសូវប្រើប្រាស់សម្រាប់ ការធ្វើតេស្ដបញ្ជាក់ការផ្ទុកមេរោគអេដស៍នោះទេ ជាទូទៅប្រើសម្រាប់តែករណីកុមារទើបនឹងសម្រាល៕

Posted in: Health, Sex and Lifestyle