គោលដៅធ្វើសង្គ្រាមដំបូងបង្អស់ និងសំខាន់បំផុតរបស់ជប៉ុន និងអាមេរិក
គឺបាញ់ពន្លិចនាវាផ្ទុកយន្ដហោះរបស់ ចិន ដើម្បីកាត់បន្ថយ
កម្លាំងទាហានជើងទឹករបស់ប្រទេសនេះ ។
សារព័ត៌មានចិនបានផ្សព្វផ្សាយថា
កម្លាំង ទាហានជប៉ុន និងអាមេរិក តែងតែចាត់ទុកកម្លាំងទាហានចិន
ជាគូប្រជែងដ៏ខ្លាំងក្លាបំផុត របស់ខ្លួន ហើយតែងតែលើកយកយុទ្ធសាស្ដ្រចម្លែកៗ
ដើម្បីទប់ទល់ជាមួយចិន។ ក្នុងស្ថានភាពវិវាទជុំវិញប្រជុំកោះសេនកាគូ កាន់
តែខ្លាំងឡើងៗធ្វើឱ្យសារព័ត៌មាន ជាច្រើនបានផ្សព្វផ្សាយថា នៅពេលដែលចិន
និងជប៉ុនធ្វើសង្គ្រាម ជប៉ុននឹងចាត់ទុកនាវាចម្បាំង ធុនធំរបស់ចិន
ជាគោលដៅវាយប្រហារដំបូងគេបង្អស់ ហើយអាចប្រើប្រាស់វិធីសាស្ដ្របាញ់ពន្លិចនាវា
ផ្ទុកយន្ដហោះចិនពីគោលដៅ ផ្សេងៗ ក្នុងពេលតែមួយ។
កន្លងមកសារព័ត៌មាន
Sankei Shimbun របស់ជប៉ុនបានផ្សព្វផ្សាយ
ពីយុទ្ធសាស្ដ្រធ្វើសង្គ្រាមសំខាន់បំផុត របស់ក្រសួងការពារជាតិ ជប៉ុន
ដែលក្នុងនោះមានយុទ្ធសាស្ដ្រសំខាន់ៗចំនួន៥។ យុទ្ធសាស្ដ្រ
៣ពាក់ព័ន្ធជាមួយទាហានចិន និងយុទ្ធសាស្ដ្រ ២ទៀត សុទ្ធតែ
ពាក់ព័ន្ធនឹងសង្គ្រាមកម្រិតខ្លាំង ដែលបានកើតឡើងនៅតំបន់សមុទ្រចិនខាងកើត។
យុទ្ធសាស្ដ្រទី១: នៅពេលដែលចិន ជប៉ុនផ្ទុះសង្គ្រាមនឹងគ្នា ដោយសារដណ្ដើមអធិបតេយ្យភាពប្រជុំកោះសែនកាគូ។
យុទ្ធសាស្ដ្រទី២:
គឺចិន ជប៉ុន ប៉ះទង្គិចគ្នាប្រជុំកោះសែនកាគូ ហើយស្ថានភាពកាន់តែធ្ងន់ធ្ងរ
និងរាលដាល ពេលនោះកម្លាំងទាហាន ចិន ជ្រៀតជ្រែក ដោយចិនចង់គ្រប់គ្រងកោះ
អាយសីហ្គាគី និងកោះ មីយ៉ាកូ នៅភាគពាយព្យនៃកោះ តៃវ៉ាន់។
យុទ្ធសាស្ដ្រទី៣: បានលើកឡើង នូវករណីដែលចិនវាយប្រហារកោះតៃវ៉ាន់។
នៅក្នុងយុទ្ធសាស្ដ្រទាំង៣នោះ
ត្រូវបានគេព្យាករណ៍ថា ចិននឹងបញ្ជូននាវាផ្ទុកយន្ដហោះ នាវាវាយលុកឡើងដែនគោក
កម្លាំងពិសេស កាំជ្រួចមីស៊ីល និង យន្ដហោះចម្បាំង ពេលនោះអាមេរិក និងជប៉ុន
ត្រូវតែសហការប្រឆាំងនឹងកម្លាំងទាហានចិន។
ចំណុចពិសេសក្នុងយុទ្ធសាស្ដ្រទី៣
គឺ ក្រសួងការពារជាតិជប៉ុនចាត់ទុកថា ទាហានចិន និងអាមេរិក ប្រាកដជា
ប្រឈមមុខគ្នាដោយ ផ្ទាល់ ដោយយកទីតាំង អ៊ូគីណាវ៉ា ធ្វើជាមូលដ្ឋាន។
នៅពេលដែលកម្លាំងទាហានអាមេរិកចូលរួម ចិនចាំបាច់ត្រូវតែប្រើប្រាស់កាំជ្រួច
មីស៊ីលប្រឆាំងនាវាផ្ទុកយន្ដហោះ DF-21D គំរាមកំហែងនាវាផ្ទុកយន្ដហោះ
របស់អាមេរិកដែលឈរជើងនៅតំបន់ សមុទ្រប៉ាស៊ីហ្វិក និងប្រើប្រាស់កាំជ្រួច
មីស៊ីល DF-31 គំរាមកំហែងទឹកដី អាមេរិកតែម្ដង។
បទអត្ថាធិប្បាយតាមកញ្ចក់ទូរទស្សន៍
ផ្កាយរណបហុងកុងបញ្ជាក់ថា គោលដៅធ្វើសង្គ្រាមដ៏សំខាន់បំផុតរបស់
សម្ពន្ធមិត្ដជប៉ុន និងអាមេរិក
គឺចាំបាច់ត្រូវតែបាញ់ពន្លិចនាវាផ្ទុកយន្ដហោះរបស់ចិន
ដែលធ្វើឱ្យទាហានចិនបាក់ស្មារតី ហើយបញ្ចប់នូវសកម្មភាព របស់ ខ្លួន ។
ក្រុមអ្នកឯកទេសយោធាបញ្ជាក់ថា
មហាសង្គ្រាមចិន ជប៉ុន បូកអាមេរិក គឺជាសង្គ្រាមប្រមាញ់នាវាផ្ទុកយន្ដហោះ
តែប៉ុណ្ណោះ។ ដូច្នេះ កម្លាំងទាហានជើងទឹករបស់ អាមេរិក ជប៉ុន ឬចិន គ្រាន់តែ
បាញ់ពន្លិចនាវាផ្ទុកយន្ដហោះរបស់ភាគីណាម្ខាង ភាគីនោះនឹងទទួលរង សម្ពាធ
យ៉ាងខ្លាំងធ្វើឱ្យភាគីម្ខាងទៀតអាចមាន ប្រៀបយ៉ាងខ្លាំងនៅក្នុងសង្គ្រាមនោះ។
នៅក្នុងយុទ្ធសាស្ដ្ររបស់អាមេរិក ជប៉ុន តើបាញ់ពន្លិចយន្ដហោះចិនដោយវិធីសាស្ដ្រណា? ចិនអាចទប់ទល់ការបាញ់ប្រហារនោះបាន កម្រិតណា?
ជប៉ុនមានគម្រោងកម្ទេចនាវាផ្ទុកយន្ដហោះចិន
ភាពតានតឹងកាន់តែខ្លាំងឡើងជុំវិញ
អធិបតេយ្យភាពប្រជុំកោះ សែនកាគូ ហើយសកម្មភាពដែលអាចផ្ទុះសង្គ្រាម
រវាងប្រទេសមហា អំណាចសេដ្ឋកិច្ចទាំងពីរ ក៏អាចនឹងកើតឡើង។
សារព័ត៌មានពេលព្រឹករបស់សិង្ហបុរីបានផ្សព្វផ្សាយថា នៅពេលដែលមានសង្គ្រាម
ជប៉ុនកើតឡើង ពេលនោះកម្លាំងទាហានជើងទឹក និងជើងអាកាសចូលរួមក្នុងសង្គ្រាមនោះ។
សង្គ្រាមនៅលើដែនសមុទ្រ និងដែន អាកាសកាន់តែខ្លាំងឡើងដោយសារតែ
កម្លាំងយោធាប្រទេសទាំងពីរត្រូវបានពង្រឹងឥតឈប់ឈរ ដូច្នេះពិបាកសន្និដ្ឋានថា
តើភាគីណា មួយនឹងទទួលជ័យជម្នះ នោះដែរ? នាវាចម្បាំងទាំងឡាយដែលនៅលើផ្ទៃសមុទ្រ
បានក្លាយទៅជាផ្ទាំងស៊ីបសម្រាប់បាញ់ប្រហាររបស់ ភាគីទាំងពីរ ។
នៅពេលដែលប្រៀបធៀបកម្លាំងទាហានអាកាសបច្ចុប្បន្នអំពីតួលេខយន្ដហោះចម្បាំងជំនាន់ទី៣
ដែលមានដូចជា J-10, J-11, Su-27-Su-30 និង JX-17 របស់កងទ័ពអាកាស
និងកងទ័ពជើងទឹក របស់ចិន បាននាំមុខទៅលើកម្លាំងការ ពារដែនអាកាសរបស់ ជប៉ុន
ដែលមានយន្ដហោះចម្បាំង F-15, F-16 និង F-2
ប៉ុន្ដែបើប្រៀបធៀបជាមួយសម្ពន្ធមិត្ដ ជប៉ុនជារឿងផ្សេង។
អំពីសមត្ថភាពវាយប្រហារតាមដែនអាកាស
កម្លាំងទាហានការពារដែនអាកាសជប៉ុនមិនអាចទប់ទល់ជាមួយ ទាហានចិនបាននោះ ឡើយ
ដូច្នេះជប៉ុន ដាក់ក្ដីសង្ឃឹមយកឈ្នះក្នុងសង្គ្រាមចិន ជប៉ុន
អាស្រ័យលើការជ្រៀតជ្រែក ជួយពីសម្ព័ន្ធមិត្ដអាមេរិក។ មានតែ យន្ដហោះ
ចម្បាំងរបស់អាមេរិកដែលដាក់នៅទីតាំងប្រទេសជប៉ុនចូលរួមធ្វើសង្គ្រាម
ទើបជប៉ុនអាចក្ដោបក្ដាប់បានសិទ្ធិគ្រប់គ្រងដែន អាកាសប្រជុំកោះសែនកាគូ។
ពីចំណុចនោះ យន្ដហោះចម្បាំងនៅលើដែនអាកាស អាចគំរាមកំហែងនាវា
ចម្បាំងគ្រប់ប្រភេទរបស់ចិន ដែលនៅលើផ្ទៃទឹកជិតប្រជុំកោះ។
ពេលកន្លងមកថ្មីៗ
មេទ័ពអាកាស អាមេរិកបានប្រកាសថា អាមេរិក
នឹងបញ្ជូនយន្ដហោះចម្បាំងទំនើបបំផុតនៅ លើពិភពលោក F-22 ចំនួន ១២គ្រឿង
និងទាហាន៣០០នាក់ ទៅទីតាំងកាដេណា ស្ថិតនៅខេត្ដអូគីណាវ៉ា ប្រទេសជប៉ុន។
ការដាក់ពង្រាយទាំងនោះស្រប ទៅតាម អ្វីដែលអាមេរិកបានសន្យាការពារជប៉ុន
គេចផុតពីការវាយប្រហារ ឈ្លានពាន របស់ប្រទេសជិតខាង តាមសន្ធិសញ្ញា អាមេរិក
ជប៉ុន។
លោកស្រីហ៊ីលឡារីគ្លីតុន ៖ កុំប៉ះដល់ ប្រជុំកោះសែនកាគូដែលនៅក្នុងដៃជប៉ុន
ការប្រកាសរបស់លោកស្រី
ហ៊ីលឡារី គ្លីនតុន ហាក់បីដូចជាបានចាក់សាំង
បន្ថែមចូលទៅក្នុងវិវាទអធិបតេយ្យភាពប្រជុំកោះ សែនកាគូ រវាងជប៉ុននឹង ចិន។
ប្រព័ន្ធផ្សព្វផ្សាយនានារបស់ចិន ក៏បានរិះគន់យ៉ាងខ្លាំងដល់អាមេរិកថា “ក្បត់”
ទៅនឹងអ្វីដែលអាមេរិកបានសន្យា ថា នឹងឈរនៅកណ្ដាលជុំវិញវិវាទរវាង ជប៉ុន
នឹងចិន។
លោកស្រីហ៊ីលឡារី គ្លីនតុន ក៏បានបញ្ជាក់ផងដែរថា
បច្ចុប្បន្នប្រជុំកោះទាំងនោះស្ថិតក្រោមការគ្រប់គ្រងរបស់ ជប៉ុន
ដូច្នេះអាមេរិក ចាំបាច់ត្រូវតែការពារ ដោយយោងទៅតាមសន្ធិសញ្ញា សន្ដិសុខ
អាមេរិក-ជប៉ុន។ លោកស្រី គ្លីនតុន បញ្ជាក់ថា “យើងមិនចង់មើល
ឃើញសកម្មភាពណាមួយកើតឡើង ដែលអាចបង្កឱ្យមានវិវាទ ឬក៏ជំរុញឱ្យ
មានផលប៉ះពាល់ដល់សុខសន្ដិភាព ស្ថិរភាព
និងការអភិវឌ្ឍសេដ្ឋកិច្ចក្នុងតំបន់នោះឡើយ។
ពេលនេះ ជប៉ុន និងចិន
បានកំណត់ បន្ទាត់ក្រហមរៀងៗខ្លួន ហើយប្រសិនបើចិនបន្ដបញ្ជូនយន្ដហោះចម្បាំងទៅ
កាន់ប្រជុំកោះ សែនកាគូ ជប៉ុននឹងត្រូវបាញ់ព្រមាន។ ក្នុងពេលជាមួយគ្នានោះ
មន្ដ្រីយោធាជាន់ខ្ពស់ចិន ក៏បានព្រមានវិញថា បើជប៉ុនបាញ់ព្រមាន យន្ដហោះ
របស់ចិននោះ ចិនមិនអនុញ្ញាតឱ្យជប៉ុន បាញ់គ្រាប់ទី២ បន្ដទៀតនោះឡើយ។
ក្នុងពេលដែលមានភាពតានតឹងកាន់តែខ្លាំងឡើង
អ្នកឯកទេសវិភាគរបស់ អាមេរិកបានបញ្ជាក់ថា អាមេរិកអាច នឹងអូសទាញចូលក្នុង
សង្គ្រាមចិន ជប៉ុន ដោយស្វ័យប្រវត្ដិមិនអាចគេចបានឡើយ៕
6:16 AM
Unknown
